'بی بی ایم' گروپ کی جانب سے ایک پروگرام کا انعقاد

بھوپال کی تنظیم برادر ہوڈ فور مسلم' بی بی ایم' گروپ کی جانب سے ایک پروگرام کا انعقاد کیا گیا، جس میں حکومت سے ملنے والی سہولیات کے پیش نظر مزدوری کارڈ بنائے گئے۔

مدھیہ پردیش کے بھوپال میں برادر ہوڈ فور مسلم بی بی ایم گروپ نے حکومت کی جانب سے ملنے والی سہولیات سے لوگوں کو فائدہ پہنچانے کی نسبت سے ایک کیمپ کا انعقاد کیا، جس میں ضرتمندوں کے لیے مزدوری کارڈ بنایا گیا۔

حکومت کی جانب سے بننے والے اس کارڈ سے لوگوں کو روزگار، لڑکیوں کی شادی کے لیے دو لاکھ روپے تک کی امداد اور حاملہ خواتین کو اس سے فائدہ حاصل ہوتا ہے۔

بی بی ایم گروپ لگاتار حکومت کے ساتھ مل کر ان تمام ضرورت مندوں اور غریبوں کو فائدہ پہنچانے کی کوشش کر رہا ہے جو واقعتا اس کے مستحق ہیں۔

واضح رہے کہ بی بی ایم گروپ پہلے لاک ڈاؤن سے لے کر اب تک بڑی تعداد میں لوگوں کے لئے کام کرتا چلا آرہا ہے۔