مدھیہ پردیش حکومت کی جانب سے آئندہ ایک سال میں ریاست میں سوا لاکھ اساتذہ کی تقرری کرنے کا سرکولر جاری کیا ہے جب کہ اردو اساتذہ کے لیے محض 78 سیٹ کا ہی سرکلر جاری کیا گیا ہے۔ جس کو لے کر آج اردو اساتذہ نے گورنر کو میمورنڈم سونپا ہے۔
اس کے پیش نظر آج بزم ضیاء کے اراکین نے بھوپال گورنر ہاؤس پہنچ کر مدھیہ پردیش کے گورنر منگو بھائی پٹیل کو ایک میمورنڈم پیش کیا اور ان سے اردو اساتذہ کی تعداد میں اضافہ کا مطالبہ کیا ہے۔
اس سلسلے میں مدھیہ پردیش کے ممتاز ادیب ڈاکٹر علی عباس امید نے بتایا کہ آج ہم لوگوں نے اردو اساتذہ کے تعلق سے گورنر صاحب کو میمورنڈم پیش کیا ہے، اور ان سے ہمارا مطالبہ ہے کہ اردو اساتذہ کی تعداد میں اضافہ کیا جائے، 32 ہزار اساتذہ کی تقرری کا سرکولر اب تک محکمۂ تعلیم کے ذریعہ جاری کیا گیا ہے لیکن اردو اساتذہ کے لئے صرف 78 آسامیاں ہی ہے جو ناکافی ہے۔
مزید پڑھیں:دو پولیس اہلکاروں سمیت چھ سرکاری ملازمین نوکری سے برطرف
وہیں مدھیہ پردیش بزم ضیاء کے صدر فرمان ضیائی نے بھی اسی طرح کے خیالات کا اظہار کرتے ہوئے گورنر صاحب سے توقع کی ہے کہ وہ اس معاملے پر نظر ثانی کریں اور اس کا حل نکالیں۔
