Mahatma Gandhi’s 74th Death Anniversary: مہاتما گاندھی کی 74 ویں برسی کے موقع پر تقریب کا انعقاد

بھوپال کی تنظیم سرو دھرم سدبھاونا منچ کی جانب سے آج بابائے قوم مہاتما گاندھی کے 74 ویں یوم شہادت کے موقع پر انہیں خراج عقیدت پیش کیا گیا۔ ریاست کے گورنر منگو بھائی پٹیل نے مہاتما گاندھی کے بتائے عدم تشدد کے راستہ پر چلنے کی تلقین کی۔Nation Observe Mahatma Gandhi’s 74th Death Anniversary

بھوپال: ریاست مدھیہ پردیش کے دارالحکومت بھوپال کی تنظیم ’سرو دھرم سدبھاونا منچ’ کے زیر اہتمام آج بابائے قوم مہاتما گاندھی کی 74 ویں یوم شہادت کے موقع پر بھوپال کے گاندھی بھون میں ایک پروگرام منعقد کیا گیا۔اس پروگرام میں ریاست کے گورنر منگو بھائی پٹیل نے شرکت کیNation Pays Tributes to Mahatma Gandhi on his 74th Death Anniversary ۔

اس تقریب میں تمام مذاہب کے رہنماؤں نے شرکت کی اور بابائے قوم گاندھی جی کو خراج عقیدت پیش کیا گیا۔

اس موقع پر ریاست کے گورنر منگو بھائی پٹیل نے کہا بابائے قوم مہاتما گاندھی کی بتائی ہوئی ہربات صداقت پر مبنی ہے۔

انہوں نے مزید کہا کہ ان کے بھجن "پیر پرائے جانے رے" اور دیگر بھجن میں امن کا پیغام ملتا ہے- ان کے بھجن کو کو اگر آپ غور سے سنیں گے تو اس میں مہاتما گاندھی کی پوری زندگی نظر آتی ہے-

آج کے پروگرام میں جہاں ایک طرف بابائے قوم مہاتما گاندھی کو خراج عقیدت پیش کی گیا تو وہیں دوسری جانب ملک کی آزادی کے خاطر اپنی جان نچھاور کرنے والے ملک کے جیالوں کو بھی یاد کیا گیا۔