ٹرالی کی زد میں آنے سے مزدور ہلاک

مدھیہ پردیش کے ضلع شيوپور کے دیہات تھانہ علاقہ کے پریم سر گاؤں میں بھوسا بھرنے کے لئے ٹرالا (ٹرک) پیچھے لیتے وقت ایک مزدور کی اس کی زد میں آنے سے موت ہو گئی ہے۔

پولیس کے مطابق پریم سر گاؤں کے نزدیک کشمیر سنگھ سردار کے کھیت میں اتر پردیش کے مراد آباد کا ایک ٹرالا گیہوں کا بھوسا بھرنے آیا تھا۔ اسی دوران ڈرائیور اجیت جاٹو ٹرالی کو بیک کر رہا تھا، تب ہی ٹرالا کی زد میں آنے سے مزدور کپِل جاٹو (19) کی موت ہو گئی۔
مزدور ڈرائیور کا چھوٹا بھائی بتایا جا رہا ہے۔ پولیس نے معاملہ درج کر کے جانچ شروع کردی ہے ۔