ستنا: خوفناک سڑک حادثے میں سات لوگوں کی موت

ریاست مدھیہ پردیش کے ضلع ستنا میں سڑک حادثہ میں سات لوگوں کی موت واقع ہوگئی ہے جبکہ 5 لوگ شدید طور پر زخمی ہوگئے۔

ضلع ستنا میں ناگود میں ریروا موڑ کے قریب ڈمپر اور بولیرو کار میں خوفناک تصادم کے نتیجے میں سات لوگوں کی موت واقع ہوگئی، جبکہ 5 لوگ زخمی ہوگئے۔

حادثے میں مارے گئے تمام لوگ ریوا کے ایک ہی خاندان سے ہیں۔

اطلاع کے مطابق یہ حادثہ علی الصبح 4 بجے پیش آیا ہے۔اس حادثے میں سات لوگوں کی موت واقع ہوگئی۔اس میں سے ایک شخص کی موت علاج کے دوران ہوگئی، جبکہ 6 لوگوں نے موقع پر ہی دم توڑ دیا تھا۔

ہلاک ہونے والوں میں تین خواتین، تین مرد اور ایک بچہ شامل ہے۔وہیں زخمی 5 لوگوں کو علاج کے لیے ریوا ریفر کردیا گیا ہے۔