مدھیہ پردیش: کرنٹ کی زد میں آنے سے 50 سالہ ٹیچر کی موت

مدھیہ پردیش کے ضلع نرسنگھ پور سے 15 کلومیٹر دور سنگھ پور پولیس چوکی کے رام کھیریا گاؤں میں بجلی کی زد میں آنے سے ایک ٹیچر کی موت ہوگئی۔

پولیس ذرائع کے مطابق 50 سالہ استاد ہیمند شرما گذشتہ روز اپنے کھیت والے مکان میں لینٹر کی ترائی کررہے تھے کہ تب ہی گھر کے اوپر سے آنے والی بجلی کی سپلائی لائن کی زد میں آگئے، جس سے وہ موقع پر ہی بے ہوش ہوگئے۔

گھر والے انہیں ڈسٹرکٹ اسپتال لائے، جہاں ڈاکٹروں نے انہیں مردہ قرار دے دیا۔ پولیس نے موت کا معاملہ درج کرکے تفتیش شروع کردی ہے۔

یو این آئی