بھوپال: چھٹیوں کے دوران ہر ایک کو کچھ نیا کرنے، سیکھنے اور نئی چیزیں کرنے کی خواہش ہوتی ہے۔ ریاست بھر میں منعقد ہونے والے سمر کیمپوں میں مختلف سرگرمیاں ہوتی ہے، لیکن اس بار دارالحکومت بھوپال میں ایک نئی قسم کے سمر کیمپ کا اہتمام کیا گیا ہے۔اس 45 روزہ کیمپ میں جہاں لوگوں کو اسلامی چیزوں کے بارے میں بتانے کی کوشش کی جا رہی ہے تو وہیں اس میں فنی اور تفریحی کلاس بھی شامل کی جا رہی ہیں۔Religious Summer Camp in Bhopal
اس سمر کیمپ کا آغاز دارالحکومت بھوپال کی تعلیمی ادارے القرآن اکیڈمی نے کیا ہے۔ حالانکہ اس سمر کیمپ کا آغاز 10 مئی کو ہوا تھا اور یہ 25 جون تک جاری رہے گا۔ تنظیم کے ذمہ دار سید سعد مشتاق نے بتایا کہ دنیا کی ہلچل میں ہمیں اپنے دین کی اہم باتوں کو سیکھنے کا وقت ہی نہیں ملتا۔ اسی سوچ کو ذہن میں رکھتے ہوئے اس سمرکیمپ کو تشکیل دی گئی ہے۔
اس 45 روزہ سمرکیمپ میں حفظ القرآن 10سورتیں، مختلف موضوعات پر 10 احادیث اور مسنون دعائیں، قرآنی دعائیں، سیرت النبی، عربی اور انگریزی کے ساتھ خصوصی طور پر اردو زبان پر زور دیا جا رہا ہے۔ جس میں بولنا اور تحریر شخصیت کی نشوونما وغیرہ پر توجہ دی جا رہی ہے۔