مہاتما گاندھی کی 150 ویں جینتی کے موقع پر150 کھیلوں کا انعقاد

بھوپال کے عارف عقیل فینس کلب کے زیر اہتمام بابائے قوم مہاتما گاندھی کی 150 ویں جینتی کے موقع پر150 طرح کے کھیلوں کا انعقاد کیا گیا۔

ریاست مدھیہ پردیش کے دارالحکومت بھوپال میں عارف عقیل فینس کلب کے زیر اہتمام بابائے قوم مہاتما گاندھی کی 150 ویں جینتی کہ موقع پر150 طرح کے کھیلوں کا انعقاد کیا جا رہا ہے-

5 نومبر سے شروع ہوئے ان مقابلوں کا یہ سلسلہ 26 جنوری کو یوم جمہوریہ تقریب کے ساتھ مکمل ہوگا۔ اس دوران کچھ اور دلچسپ کھیلوں کو شامل کیا گیا ہے۔

ان مقابلوں میں پینٹنگ، فینسی ڈریس، ڈانس، مہندی وغیرہ کو شامل کیا گیا ہے۔

وزیر اقلیتی فلاح بہبود عارف عقیل مسلسل میدان پر پہنچ کر ان مقابلوں میں شامل ہوکر اور کھلاڑیوں کی حوصلہ افزائی کر رہے ہیں۔

اس موقع پر عارف عقیل نے کہا کہ بابائے قوم مہاتما گاندھی جی کے خوابوں کا سچا ہندوستان اور صحت مند ہندوستان ہونا چاہیے۔

یہ اسی تصور کے ساتھ بچوں اور بڑوں میں کھیلوں کا جذبہ پیدا کرنے کے لیے مختلف کھیلوں کو ان مقابلوں میں شامل کیا گیا ہے-