مدھیہ پردیش کے ضلع بیتول میں واقع گھوڑا ڈونگری تحصیل میں پیر کے روز ایک 13 سالہ لڑکی کا ریپ کر اسے نالے میں زندہ پتھر کے نیچے دبا دیا گیا۔
لڑکی کے اہل خانہ جب اسے تلاش کرتے ہوئے نالے کے پاس پہنچے تو لڑکی پتھر کے نیچے دبی ملی۔ اہل خانہ اسے فورا گھوڑاڈونگری ہسپتال لے کر پہنچے اور پولیس کو معاملے کی اطلاع دی۔ اطلاع ملنے پر پولیس گھوڑاڈونگری ہسپتال پہنچی اور متاثرہ کا بیان لیا۔
متاثرہ نے پولیس کو بتایا کہ وہ شام کو اپنے کھیت میں موٹر بند کرنے گئی تھی۔ وہاں ایک شخص نے اسے اکیلا پا کر اس کے ساتھ ریپ کیا۔ ریپ کرنے کے بعد ملزم نے اسے نالے میں پتھر سے ڈھک دیا۔
یہ بھی پڑھیں: بھوپال: ریپ کے خلاف خواتین کا احتجاج
لڑکی جب اہل خانہ کو نہیں ملی تو وہ اسے تلاش کرتے ہوئے کھیت پہنچے۔ وہیں نالے میں لڑکی دبی ملی۔ اس کے بعد لڑکی کو ہسپتال پہنچایا گیا۔ لڑکی کا ابتدائی علاج کر کے اسے ضلع ہسپتال ریفر کیا گیا ہے۔ ملزم کو حراست میں لیا گيا ہے۔
