اندور میں کورونا وائرس کے 129 نئے کیسز

اندور میں کورونا وائرس کے 129 نئے کیسز سامنے آئے ہیں جس کے بعد شہر میں کورونا متاثرین کی تعداد چھ ہزار سے تجاوز کر گئی ہے۔

مدھیہ پردیش کے شہر اندور میں کورونا انفیکشن کے 129 نئے کیسز سامنے آنے کے بعد متاثرین کی تعداد 6035 ہوگئی ہے۔ جبکہ اب تک 4238 مریض صحت یاب ہو کر گھر جاچکے ہیں جس کے بعد ہسپتالوں میں زیر علاج مریضوں کی تعداد 1505 ہے۔

چیف میڈیکل اینڈ ہیلتھ آفیسر ڈاکٹر پروین جاڑیہ کی جانب سے گذشتہ رات جاری بلیٹن کے مطابق اب تک ایک لاکھ اٹھارہ ہزار چار سو ستاون نمونوں کی جانچ ہوچکی ہے جن میں سے 6035 متاثر پائے گئے ہیں۔گزشتہ روز 1957 نمونوں کی جانچ میں 129 کورونا مریض پائے گئے ہیں۔

ڈاکٹر جاڑیہ نے بتایا کہ گزشتہ روز چار اموات درج کی گئیں جن میں سے تین کی موت اپریل میں ہوئی تھی اور ایک 16 جولائی کو ہوئی ہے جس کے بعد مرنے والوں کی کل تعداد 292 ہوگئی ہے۔

اس دوران 63 مریضوں کی بازیابی کے بعد مختلف ہسپتالوں سے رخصت کرنے کے بعد مجموعی طور پر 4238 مریضوں کو فارغ کیا جا چکا ہے۔

دوسری جانب کورنٹائن سینٹرز سے بھی نو مشتبہ افراد کو صحتیاب ہونے کے بعد فارغ کردیا گیا ہے۔ اب تک مجموعی طور پر 4869 افراد ٹھیک ہوکر ہسپتالوں سے جا چکے ہیں۔