اندور میں آپریشن کے بعد متعدد مریض بینائی سے محروم

ریاست مدھیہ پردیش کے صنعتی شہر اندور میں آپریشن کے بعد 11 افراد کی بینائی چلی گئی۔

ھار ضلع میں نیشنل بلائنڈنس کنٹرول پروگرام کے تحت 13 افراد کا موتیابین کا آپریشن کیا گیا تھا جبکہ آپریشن کے بعد انفیکشن کی وجہ سے 11 مریضوں کی بینائی چلی گئی۔
اس سلسلہ میں محکمہ صحت نے حرکت میں آتے ہوئے اندور آئی ہاسپٹل کے آپریشن تھیٹر کو سیل کردیا اور ہسپتال کے لائسنس کو رد کرنے کا اعلان کیا۔
محکمہ صحت کی جانب سے معاملہ کی جانچ کےلیے ایک کمیٹی تشکیل دی گئی اور تین دن میں رپورٹ پیش کرنے کی ہدایت دی گئی ہے۔

دوسری جانب محکمہ نے متاثرہ افراد کا بہتر علاج کرنے کا بھی اعلان کیا۔واضح رہے کہ 8 اگست کو نیشنل بلائنڈنس کنٹرول پروگرام کے تحت ضلع ھار میں 13 افراد کا موتیابین کا آپریشن کیا گیا لیکن 11 مریضوں کی آنکھوں میں انفیکشن کی وجہ سے بینائی چلی گئی۔محکمہ صحت کی جانب سے لاپرواہی برتنے کے الزام میں ڈاکٹرز کے خلاف کاروائی کی جارہی ہے۔یہاں یہ بات بھی قابل ذکر ہے کہ 2010 میں بھی اندور آئی ہاسپٹل میں اس طرح کا ایک اور واقعہ ہوچکا ہے جس میں آپریشن کی وجہ سے 18 مریضوں کے آنکھوں کی بینائی چلی گئی تھی۔