چینی گاڑیوں کا بھارتی سرزمین میں داخل ہونے کا ویڈیو وائرل

پانچ منٹ اور 26 سیکنڈ کی ویڈیو، جو سوشل میڈیا پر وائرل ہوئی ہے، میں دکھایا گیا ہے کہ چینی گاڑیاں بھارتی سرزمین میں داخل ہوتی ہیں اور مقامی لوگوں سے بحث کے بعد واپس چلی جاتی ہیں۔

مرکزی زیر انتظام لداخ میں واقع حقیقی لائن آف کنٹرول پر ہند۔ چین کے درمیان کشیدگی کا ایک اور واقع چند روز قبل دوبارہ پیش آیا۔ اتوار کے روز منظرعام پر آئے ویڈیو میں لداخ کے ضلع لیہ کے نیوما بلاک کے علاقے چانگتھھنگ پر موجود دو چینی گاڑیوں کو دیکھا جا سکتا ہے۔

پانچ منٹ اور 26 سیکنڈ کی ویڈیو، جو سوشل میڈیا پر وائرل ہوئی ہے، میں دکھایا گیا ہے کہ چینی گاڑیاں بھارتی سرزمین میں داخل ہوتی ہیں اور مقامی لوگوں سے بحث کے بعد واپس چلی جاتی ہیں۔

اگرچہ ایل اے سی پر جاری کشیدگی کے درمیان بھارتی فوج نے ابھی تک اس واقعے کے حوالے سے کوئی بیان جاری نہیں کیا ہے تاہم ایک مقامی کونسلر نے تصدیق کرتے ہوئے کہا کہ کچھ دن قبل یہ واقعہ پیش آیا تھا۔لداخ خودمختار پہاڑی ترقیاتی کونسل کے نیوما حلقے کی نمائندگی کرنے والے ایشی سپلزنگ نے ای ٹی وی بھارت کو فون پر بتایا، "کچھ دن پہلے دو چینی گاڑیاں ہمارے علاقے میں داخل ہوئیں۔ مجھے اس واقعے سے متعلق مکمل معلومات نہیں ہیں۔"

انہوں نے مزید کہا، "میری سمجھ کے مطابق، چینی مقامی خانہ بدوشوں کے ذریعہ اس علاقے میں مویشیوں کے چرنے پر اعتراض کر رہے تھے۔"

جب اس واقعے کے بعد انتظامیہ کے جوابی اقدامات کے بارے میں پوچھا گیا تو انہوں نے کہا، "وہ آئے، اعتراض کیا اور واپس آگئے۔ اگرچہ یہ علاقہ بھارت کا علاقہ ہے۔"