سی ڈی ایس جنرل بپن راوت کا دورہ لداخ

چین کے ساتھ جاری تنازع کے درمیان چیف آف ڈیفنس اسٹاف جنرل بپن راوت اور فضائیہ کے سربراہ آر کے ایس بھدوریہ نے ایل اے سی کی صورتحال کا جائزہ لینے کے لیے لداخ کا دورہ کیا۔

بھارت - چین کے درمیان لداخ میں واقع حقیقی لائن آف کنٹرول پر بڑھتی کشیدگی کے درمیان بھارت کے چیف آف ڈیفنس اسٹاف جنرل بپن راوت اور فضائیہ کے سربراہ آر کے ایس بھدوریہ نے علاقے کی موجودہ صورتحال کا جائزہ لینے کے لیے لداخ کا دورہ کیا۔

وزارت دفاع کے ذرائع نے ای ٹی وی بھارت کو بتایا کہ "جنرل بپن راوت نے آج غیر رسمی طور پر لداخ کا دورہ کیا ہے، جہاں پر وہ قیام کر رہے فائر اینڈ فیوری کمانڈ کے افسران خطے کی صورتحال کے حوالے سے تمام تر تفصیلات فراہم کریں گے۔"

ان کا مزید کہنا تھا کہ "ناخوشگوار واقعے کے پیش آنے کے سبب بھارتی افواج کی تیاریوں کے حوالے سے بھی جنرل راوت کو تمام تفصیلات فراہم کی جائیں گی، اس کے علاوہ جنرل وہاں تعینات آئی ٹی بی پی اور دیگر سکیورٹی فورسز کے اہلکاروں سے بھی ملاقات کریں گے۔"

واضح رہے کہ رواں سال کے آغاز سے ہی جنرل راوت بھارت کی سرحدوں کے دورے پر ہیں، رواں مہینے کی 3 تاریخ کو اروناچل پردیش اور آسام کا بھی دورہ کرچکے ہیں، تاہم آج مرکز کے زیر انتظام لداخ کے دورے پر ہیں۔