Career Counselling in Handwara: ہندواڑہ میں تابندہ میموریل سوسائٹی کی جانب سے کریئرکونسلنگ کا اہتمام

تابندہ میموریل سوسائٹی ہندواڑہ نے انورنامنٹ ہال ہندواڑہ میں ایک پروقار تقریب اور کیریئر کونسلنگ کا انعقاد کیا۔

ہندواڑہ:تابندہ میموریل سوسائٹی ہندواڑہ نے ان تمام طلبا کے اعزاز میں ایک پروقار پروگرام اور کریئر کونسلنگ کا انعقاد کیا جنہوں نے NEET/JEE اور تابندہ سائنس اولمپیاڈ امتحانات میں کوالیفائی کیا ہے۔ اس عظیم الشان تقریب میں زندگی کے مختلف شعبوں سے تعلق رکھنے والے معززین نے شرکت کی۔ پروگرام کا آغاز صبح گیارہ بجے تلاوت کلام پاک اور نعت النبی صلی اللہ علیہ وسلم سے ہوا۔ فاروق احمد ملک نے خطبہ استقبالیہ پیش کیا اور وہاں موجود تمام طلباء کی حوصلہ افزائی کی کہ وہ اپنے اہداف زندگی کے مقاصد کو کیسے حاصل کر سکتے ہیں۔ چیئرمین ضلع ترقیاتی کونسل کپواڑہ عرفان سلطان پنڈت پوری مہمان خصوصی تھے اور پرنسپل گورنمنٹ ڈگری کالج ہندواڑہ پروفیسر دلروبہ رسول ہمدانی بطور مہمان موجود تھی۔

NEET/JEE کوالیفائی کرنے والے تمام طلباء کو نقدی اور سرٹیفکیٹس دیئے گئے۔ خوش قسمتی کا لمحہ یہ تھا کہ ان طلباء کے والدین کو ان کے وارڈز کی جانب سے یہ سرٹیفکیٹ دیئے گئے۔ نقد انعامات کے ساتھ تعریفی اسناد بھی مختلف اسکولوں کے نویں اور دسویں جماعت کے پہلے دس ٹاپر طلباء کو دیا گیا۔ جنہوں نے گزشتہ سال نومبر میں منعقدہ تابندہ سائنس اولمپیاڈ میں کوالیفائی کیا تھا۔یہ بات قابل ذکر ہے کہ تنظیم کے ذریعہ NEET اور JEE کوالیفائی کرنے والے زیادہ سے زیادہ طلباء کو گود لیا گیا تھا۔

اس تقریب میں تقریباً ہزاروں طلباء نے شرکت کی اور اپنے خیالات کا اظہار کیا۔ تقریب کے دوران پرنسپلز کو ان کے متعلقہ اسکولوں میں ضرورت مند طلباء میں مزید تقسیم کرنے کے لیے کئی ایوارڈز، مفت اسکول یونیفارم اور اسٹڈی میٹریل دیئے گئے۔

تقریب کے دوران علامہ انور شاہی کشمیری رح ایوارڈ پروفیسر عفت حسن شاہ پرنسپل میڈیکل کالج ہندواڑہ مولوی محمد اکبر کرمانی ایوارڈ پروفیسر دلروبہ ہمدانی پرنسپل گورنمنٹ ڈگری کالج ہندواڑہ علی محمد شاہ کو پیش کیا گیا۔ ایوارڈ نذیر احمد میر (KAS) اے ڈی سی ہندواڑہ کو پیش کیا گیا۔ غلام حسن شاہ (IPS) ایوارڈ شیما نبی (IPS) ہندواڑہ کو پیش کیا گیا ،محمد عبداللہ بانڈے (شہری فادر) ایوارڈ پیش کیا گیا۔

عبدالحمید فانی سی ای او کپواڑہ کومحمد سلطان پنڈت پوری ایوارڈ پیش کیا گیا ان کی متعلقہ شعبوں میں بہترین کارکردگی پر مزید برآں میر فیاض EJAC صدر ضلع کپواڑہ کو بہترین ٹریڈ یونین لیڈر اور ہندوارہ میڈیا ایسوسیشن پزیڈنٹ عاطف قیوم صدر اور یحییٰ سلطان (نیوز 18) کو عوامی مسائل کو اجاگر کرنے میں بہترین کارکردگی پر تعریفی سند پیش کی گئی۔

اس تقریب میں تنظیم نے ہونہار طلباء میں ایک لاکھ روپے سے زائد کے گفٹ چیک تقسیم کئے۔ اس موقع پر جن افراد نے خطاب کیا ان میں بشیر احمد قریشی۔ لیکچرار اقبال رسول میر۔ نذیر ابنی شہباز۔ ڈاکٹر اعجاز بٹ. میر فیاض شامل ہے
صدارتی خطاب ڈی ڈی سی چیئرمین کپواڑہ عرفان سلطان پنڈت پوری نے دیا اور شکریہ کا ووٹ چیئرمین میونسپل کمیٹی ہندواڑہ مسرور بانڈے نے دیا۔

تقریب میں شرکت کرنے والے معززین، NEET اور JEE کوالیفائرز کے والدین، پرنسپل اور وائس پرنسپل ڈگری کالج ہندواڑہ، پرنسپل GHSS ہندواڑہ، پرنسپل BHSS ہندواڑہ، پرنسپل BHSS ہریل، پرنسپل BHSS Magam Batpura، پرنسپل GEZWSS، مسٹر ایشور۔ محی الدین ڈار صاحب، فریدہ شوق صاحبہ نیشنل ایوارڈ یافتہ، ڈاکٹر ریاض توحیدی، ڈاکٹر ریاض باٹنی، لطیف احمد شاہ، سینئر لیکچرر کیمسٹری ریاض احمد کرمانی،لیکچرار باٹنی منظور احمد شیخ ، طارق احمد ترجمان ٹی ایم ایس، فاروق احمد ۔ مشتاق احمد ملک، اور طارق عزیز تنظیم نے گریوٹی کلاسز کے ساتھ مل کر NEET کے خواہشمندوں کے لیے سپر 50 بیچ شروع کرنے کا اعلان کیا جس میں 20 طلباء کو اسٹڈی میٹریل کے ساتھ مفت تعلیم دی جائے گی جو ٹیسٹ میں کامیاب ہوں گے۔ پروگرام کی اینکر جدت پسند اور شاندار استاد اور ڈائس انچارج جاوید عبداللہ نے کی۔