کپواڑہ: اسکول میں صفائی کے دوران گولہ پھٹنے سے ملازم زخمی

جموں و کشمیر کے ضلع کپواڑہ میں واقع ہنڈواڑہ علاقہ کے ایک پرائیویٹ اسکول میں صفائی کےدوران ایک گولہ پھٹا جس کی وجہ سے صفائی ملازم شدید طور سے زخمی ہوگیا۔

شمالی کشمیر قصبہ ہندواڑہ کےماور ہرل علاقہ میں ہفتہ کو ایک پرائیویٹ اسکول کی صفائی کے دوران ایک گولہ پھٹنے کے بعد ایک صفائی ملازم زخمی ہوگیا۔

ذرائع کے مطابق زخمی ملازم کی شناخت ریاض احمد آہنگر ولد عبدالاحد آہنگر کے طور پر کی گئی ہے اور انہیں زخمی حالت میں اسپتال منتقل کیا گیا۔

ملازم کی حالت مستحکم بتائی جارہی ہے۔ ادھر پولیس نے واقعہ کی تحقیقات کی تو معلوم ہوا ہے کہ یہ پرانا گولہ تھا جس کے پھٹنے سے سفائی ملازم خمی ہو گیا تھا۔

پولیس افسر نے مزید کہا کہ وہ اسپتال میں زیر علاج ہیں اور ان کی حالت اسپتال میں مستحکم ہے۔