کپواڑہ میں ایل او سی پر فائرنگ کے پراسرار واقعے میں فوجی اہلکار زخمی

شمالی کشمیر کے ضلع کپواڑہ میں لائن آف کنٹرول پر گذشتہ شب فائرنگ کے ایک پراسرار واقعے میں ایک فوجی اہلکار زخمی ہوا ہے۔

سرکاری ذرائع نے بتایا کہ کپواڑہ سے صرف 30 سے 33 کلو میٹر دور ایل او سی کے 'انل پوسٹ' پر تعینات فوجی اہلکاروں نے گذشتہ شب قریب ساڑھے دس بجے کچھ مشکوک نقل و حرکت دیکھی۔

انہوں نے بتایا کہ مشکوک نقل و حرکت کو دیکھتے ہی ایک سنتری نے فائرنگ کی۔

مذکورہ ذرائع نے بتایا کہ فائرنگ کے اس واقعے میں ایک فوجی اہلکار زخمی ہوا۔ تاہم یہ معلوم نہ ہوسکا کہ وہ مشکوک، دراندازوں کی فائرنگ سے زخمی ہوا یا غلطی سے ہونے والی فائرنگ سے زخمی ہوا۔

زخمی اہلکار کی شناخت 46 سالہ جسویر سنگھ کے بطور ہوئی ہے جس کو علاج و معالجے کے لئے 92 بیس ہسپتال سری نگر منتقل کیا گیا ہے۔