لولاب میں دو منشیات فروش گرفتار

جموں و کشمیر پولیس کی جانب سے منشیات مخالف مہم کو جاری رکھتے ہوئے ضلع کپواڑہ کے سوگام لولاب میں دو افراد کو گرفتار کر لیا ہے۔

اطلاعات کے مطابق پولیس نے منشیات مخالف مہم کے دوران سوگام کے میدان پورہ علاقے میں ایک ناکہ کے دوران نثار احمد شیخ اور اس کا ساتھی عاقب احمد کو گرفتارکرلیا ہے۔اُن کے قبضے سے800گرام چرس بھی ضبط کیا گیا۔

ان دونوں کا تعلق میدان پورہ علاقے سے ہے۔پولیس ذرائع کا کہنا ہے کہ یہ جنوبی کشمیر کے سنگم علاقے سے چرس لاکر لولاب کے مختلف علاقوں میں فروخت کرتے تھے۔

نثار احمد شیخ این ڈی پی ایس ایکٹ کے تحت کئی بار گرفتار بھی ہوچکا ہے دونوں منشیات اسمگلر نثار احمد شیخ اور عاقب احمد ملہ پولیس تھانہ سوگام میں بند ہیں اور ان کے خلاف باضابطہ ایک ایف آئی آر زیر46\2020 US 8\20 NDPSکے تحت درج ہے۔