کپواڑہ: جموں و کشمیر کے ضلع کپواڑہ کے ہندوارہ علاقے میں مارکیٹ چیکنگ کے دوران میونسپل کمیٹی ہندوارہ، انفورسمنٹ ونگ ہندوارہ، محکمہ مال اور ہندوارہ پولیس کی مشترکہ ٹیم نے مارکیٹ چیکنگ ڈرائیو کا اہتمام عمل میں لایا۔ Handwara market Checking Driveمارکیٹ چیکنگ کے دوران ٹیم نے زائد المیعاد اور غیر معیاری اشیاء خصوصاً غذائی اجناس کو ضبط کرنے کے علاوہ کیئ دکانداروں پر جرمانہ عائد کیا۔
تحصیلدار ہندوارہ نے ذرائع ابلاغ کے نمائندوں کے ساتھ بات کرتے ہوئے کہا کہ ناجائز منافع خوری اور گراں فروشی پر لگام کسنے کے لیے مارکیٹ چیکنگ ڈرائیو کا اہتمام عمل میں لایا گیا۔ market Checking Drive in handwaraانہوں نے کہا کہ اس طرح کی کارروائی مستقبل میں بھی جاری رہے گی۔ مارکیٹ چیکنگ ڈرائیو سے متعلق تفصیلات فراہم کرتے ہوئے انہوں نے کہا کہ ٹیم نے سبزی اور میوہ فروشوں، بیکری کی دکانوں سمیت غذائی اجناس فروخت کرنے والے دکانداروں کا معائنہ کیا۔
انہوں نے کہا کہ غیر معیاری، سڑی گلی سبزیوں اور میوہ کو موقع پر ہی ضائع کرکے مختلف دکانداروں سے پانچ ہزار روپے سے زائد جرمانہ وصول کیا گیا، جبکہ دو دکانداروں کا کورٹ چالان بھی کیا گیا۔ Shopkeepers fined in Handwara During Market Checking Driveمارکیٹ چیکنگ ٹیم نے دکانداروں کو تنبیہہ کی کہ وہ مقررہ نرخ ناموں کے مطابق ہی اشیاء فروخت کریں۔ تحصیلدار نے کہا کہ ناجائز منافع خوری، ذخیرہ اندوزی اور گراں فروشی کسی بھی قیمت میں برداشت نہیں کی جائے گی۔