کورونا وائرس: 'عوام کی امداد کے لئے پولیس پیش پیش ہے'

جموں و کشمیر کے ضلع کپواڑہ کے ہندوارہ میں پولیس نے لوگوں کو لاک ڈاؤن پر سختی سے عمل کرنے کی ہداہت دی ہے۔

ایس ایچ او ہندوارہ پرویز احمد اور نائب تحصیلداد ہندوارہ نے مارکیٹ کا معائنہ کیا جس دوران لوگوں سے گزارش کی گئی وہ حکومت کی جانب سے احکامات کا پالن کریں تاکہ اس کووڑ بیماری پر قابو پایا جاسکے۔

نمائندے کے مطابق ہندوارہ کے کورونا وائرس سے متاثرہ، گونی پورہ ہانجی محلہ میں لوگوں کی راحت کاری کیلئے پولیس دن رات مصروف ہے۔ اور متاثرہ لوگوں کے علاوہ ضرورت مند لوگوں کی ضروریات کوپوراکرنے میں پیش پیش ہے۔

ایس ایچ او ہندوارہ پرویز احمد نےبتایا کہ انہوں نے گونی پورہ کی جانے والے تمام رابطہ سڑکوں کوسیل کیا ہے جبکہ لوگوں کی مشکلات کو حل کرنے کیلئے ضلع انتظامیہ کے ساتھ وہ برابررابطہ میں ہیں ۔

انہوں نے ضرورت مند لوگوں سے کہا کہ وہ کسی بھی ضرورت کے وقت اُن سے رابطہ قائم کرسکتے ہیں۔