کپواڑہ: کاؤنٹنگ شروع نہیں ہونے پر احتجاج کا انتباہ

راجیہ سبھا کے رکن فیاض احمد نے آج کارکنوں کے ہمراہ کپواڑہ میں ایک احتجاجی ریلی نکالی۔ ریلی میں لوگوں کی بڑی تعداد نے شرکت کی۔

فیاض احمد میر نے انتظامیہ کو متنبہ کیا کہ اگر ایک ہفتے کے اندر دگملولہ حلقے کی کاؤنٹنگ عمل میں نہیں لائی گئی، تو وہ غیر معینہ مدت کے لیے احتجاجی مہم چھیڑ دیں گے۔

انہوں نے الیکش کمیشن پر الزام عائد کیا کہ سیاسی بنیاد پر اس حلقے کی کاؤنٹنگ روک دی گئی ہے۔ فیاض احمد میر نے ٹاون ہال سے ڈی سی آفس کپواڑہ تک ایک احتجاجی ریلی نکالی۔ بعد میں پرامن طور پر احتجاجی ریلی ختم کی۔

خیال رہے کہ جموں و کشمیر میں حالیہ منعقد ڈی ڈی سی انتخابات کے نتائج کے دوران کپواڑہ کے ڈرگمولہ نشست پر کاؤنٹنگ نہیں ہوئی تھی کیونکہ ڈرگمولہ حلقہ کی ایک امیدوار پاکستان کے زیر انتظام کشمیر کی رہائشی تھی۔