سیز فائر کی خلاف ورزی، خاتون زخمی

کئی دنوں کی خاموشی کے بعد حدمتارکہ پر گزشتہ رات ایک بار پھر گولیوں کی گونج دیکھنے کو ملی۔ پاکستان نے سرحد پر سیز فائر کی خلاف ورزی کی۔

پاکستانی فوج نے گزشتہ شب لائن آف کنٹرول (ایل او سی) کے نزدیک علاقوں کو نشانہ بنایا جس کے نتیجے میں جموں و کشمیر کے سرحدی ضلع کپواڑہ کے ٹنگڈار سیکٹر کے حاجترہ گاؤں کی ایک خاتون کو گولی لگی۔ خاتون کو زخمی حالت میں فوری طور پر اسپتال منتقل کیا گیا جس کی حالت مستحکم بتائی جا رہی ہے۔

دریں اثناء بھارتی فوج نے بھی پاکستانی فوج کا مؤثر جواب دیتے ہوئے چھوٹے اور بڑے ہتھیاروں کا استعمال کیا۔

قابل ذکر ہے کہ کئی دنوں کی خاموشی کے بعد حدمتارکہ پر گزشتہ رات ایک بار پھر گولیوں کی گن گرج دیکھنے کو ملی۔

ادھر لوگوں نے ایک بار پھر مانگ کی کہ انہیں زیر زمین بنکر مہیا کئے جائے تاکہ وہ خطرات سے محفوظ رہ سکیں۔