My Town My Pride Kupwara: 'مائی ٹاؤن مائی پرائیڈ' کپواڑہ میں دوسرے روز بھی جاری

ضلع کپواڑہ کے لنگیٹ علاقے میں 'مائی ٹاؤن مائی پرائیڈ' کے تحت منعقدہ تقریب میں عوامی نمائندوں، مختلف محکمہ جات سے وابستہ افسران نے شرکت کی۔ My Town My Pride in Jammu and Kashmir

کپواڑہ:شمالی کشمیر کے کپواڑہ ضلع میں ’’مائی ٹاؤن مائی پرائیڈ‘‘ پروگرام کے تحت دوسرے روز بھی تقریب منعقد ہوئی۔ میونسپل کمیٹی لنگیٹ میں منعقدہ تقریب کی صدارت ڈپٹی کمشنر کپواڑہ نے انجام دی جنہوں نے ’’مائی ٹاؤن مائی پرائیڈ‘‘ کی اہمیت و افادیت کے حوالہ سے عوام کو آگاہ کیا وہیں مختلف محکمہ جات کے افسران سے عوام کو سرکاری اسکیموں کے بارے میں مکمل جانکاری دئے جانے پر بھی زور دیا۔ My Town My Pride Langate Kupwara

ماے ٹاؤن ماے پرائیڈ پروگرام کے دوران ڈی سی بانڈی پورہ، پی آر آئی ممبران، مختلف محکمہ جات سے وابستہ افسران کے علاوہ مذہبی و تاجر انجمنوں کے نمائندوں نے شرکت کی۔ اس موقع پر عوامی وفود اور معزز شہریوں نےعوامی اہمیت کے مسائل افسران کی نوٹس میں لائے جن کے فوری ازالے کی یقین دہانی کی گئی۔ My Town My Pride North Kashmir

اس موقع پر محکمہ ہارٹیکلچر، ایگریکلچر، ہینڈی کرافٹس سمیت کئی دیگر محکمہ جات نے اسٹالز قائم کئے تھے۔ اس موقع پر روایتی کشمیری موسیقی اور بانڈء پاتھر کا بھی اہتمام کیا گیا تھا۔ پروگرام میں اسکولی بچوں نے بھی حصہ لیا اور مائی ٹاؤن مائی پرائیڈ پروگرام سے متعلق مختلف پروگرام پیش کئے۔ بچوں نے منشیات کے مضر اثرات اور صفائی ستھرائی کی اہمیت کے حوالہ سے بھی اپنے تاثرات کا اظہار کیا۔