وانگام قاضی آباد کرالہ گنڈ میں حازم شفیع بٹ ولد محمد شفیع بٹ کی ہلاکت پر مذکورہ آبائی گاؤں ماتم کدے میں تبدیل ہو گیا ہے۔ لواحقین نے اس بات پر گہرے دکھ کا اظہار کیا ہے کہ ان کے لخت جگر کو اپنے آبائی مقبرہ کے بجائے شیری بارہمولہ میں سپرد خاک کیا گیا۔
انہوں نے کہا کہ ہم نے کافی کوشش کی کہ انتظامیہ سے نعش کو واپس لایا جائے لیکن انتظامیہ کے کان پر جوں تک نہیں رینگی۔ کورونا وائرس کا بہانہ بنا کر انتظامیہ نے لاش اہلخانہ کے سپرد کرنے سے انکار کر دیا۔
گھر والوں نے حازم کی ہلاکت کا یقین ہی نہیں ہوتا۔
یقین ائے بھی تو کیسے؟ ایک 14 سالہ کمسن لڑکا گھر سے باغ کی طرف کام کرنے جاتا ہے اور شام کو اس کی موت کی خبر آتی ہے۔ حازم کشمیر میں گزشتہ 30 برس کی شورش کا تازہ شکار بنا۔
ہندواڑہ حملہ: کمسن حازم کو آبائی مقبرہ بھی نصیب نہیں ہوا