کپوارہ: غیر شناختی لاش برآمد

جموں و کشمیر کے شمالی ضلع کپوارہ میں پولیس نے نیم بوسیدہ حالت میں ایک غیر شناختی لاش برآمد کی۔

کپوارہ کے پہاڑی علاقہ گجرپتی زرہامہ میں بدھ کو پولیس نے پر اسرار حالت میں ایک نیم بوسیدہ لاش بر آمد کی۔

نمائندے کے مطابق کچھ پورٹروں نے بدھ کو جبری موڑ گجرپتی زرہامہ میں برف تلے ایک نیم بوسیدہ لاش دیکھی اور فوری طور پولیس کو مطلع کیا۔

اطلاع ملتے ہی آوُورہ پولیس پوسٹ کی ایک ٹیم موقعے پر پہنچ گئی اور لاش کو اپنی تحویل میں لے لیا۔

پولیس نے اس سلسلے میں کیس رجسٹر کرکے تحقیقات شروع کر دی ہے۔