رکھ شہلال میں کئی گھروں کے صحنوں میں پانی داخل ہوگیا ہے۔ جس کی وجہ سے مکینوں کو سخت مشکلات کا سامنا ہے۔
علاقے میں پانی ہی پانی نظر آرہا ہے۔ حالت یہ ہوگئی ہے کہ مقامی لوگوں کو گھروں میں رہنا بھی مشکل ہوگیا ہے۔ مکینوں کو عبور مرور میں مشکلات کا سامنا ہے۔
مقامی لوگوں نے انتظامیہ سے اپیل کی ہے کہ وہ ان علاقوں میں درپیش مشکلات کو جلد از جلد حل کریں، جس سے ان کی پریشانیوں کا ازالہ ہو سکے۔
مقامی شخص محمد رمضان پٹواری نے ای ٹی وی بھارت کو بتایا کہ ایک سال قبل محکمہ پی ایم۔ جی ایس وائی نے سڑک کے کنارے ایک ڈرین بنائی تھی جو ناکارہ ہوگئی ہے۔ جس کی وجہ سے اس ڈرین کا پانی کئی مکینوں کے گھر اور مسجد کے صحن میں داخل ہوجاتا ہے، جس کے نتیجے میں ان مکینوں اور نمازیوں کو مسجد جانے میں مشکلات کا سامنا کرنا پڑتا ہے۔
مزید پڑھیں:ترال: بادل پھٹنے سے لام نالے میں سیلابی صورتِ حال
ان مکینوں نے ڈپٹی کمشنر کپوارہ امام دین، اے ڈی سی ہندوارہ اور پی ایم جی ایس وائی کے افسران سے توجہ کی اپیل کی ہے۔