وادی کشمیر کے بیشتر اضلاع کی مانند شمالی کشمیر کے ضلع کپواڑہ میں بھی منگل کو برفباری کا سلسلہ جاری رہا۔
ضلع کپواڑہ کے بیشتر مقامات پر 9انچ سے ایک فٹ تک برف ریکارڈ کی گئی تاہم بالائی علاقوں بشمول لولاب، نوگام اور ریشوری میں ڈیڑھ سے 3 فٹ تک کی برفباری درج کی گئی۔
شدید برف باری کے باعث کرناہ، کیرن اور مچھل علاقوں کا بیرون دنیا سے زمینی رابطہ منقطع ہے، وہیں بیشتر علاقوں میں بجلی کا ترسیلی نظام پورہ طرح ٹھپ ہے۔
انتظامیہ کی جانب سے گرچہ ضلع اسپتال اور دیگر اہم دفاتر کو جانے والی سڑکوں سے برف ہٹائی ہے تاہم دور دراز علاقہ جات کی سڑکوں پر کئی انچ برف موجود ہونے کے سبب سینکڑوں دیہات ضلع صدر مقام سے ہنوز منقطع ہیں۔
مقامی لوگوں نے ضلع انتظامیہ سے سڑکوں پر سے برف ہٹانے کے علاوہ فوری طور بجلی بحال کرنے کا مطالبہ کیا ہے۔