کپوارہ: جموں و کشمیر ٹیچرز فورم کی جانب سے عطیہ خون کیمپ منعقد

جموں کشمیر ٹیچرس فورم کے صدر نے ویلگام میں قائم کئے گئے عطیہ خون کیمپ کے دوران کہا کہ ٹیچرز فورم کی جانب سے عنقریب ہی کپوارہ اور ہندوارہ میں بھی عطیہ خون کیمپ کا انعقاد عمل میں لایا جائے گا۔

جموں کشمیر ٹیچرس فورم نے محکمہ صحت کے اشتراک سے ضلع کپوارہ کے پی ایچ سی ویلگام کے احاطے میں عطیہ خون کیمپ کا انعقاد کیا۔

عطیہ خون کیمپ میں ٹیچرز فورم سے وابستہ کارکنان کے علاوہ مقامی رضاکاروں نے خون کا عطیہ پیش کیا۔

جموں کشمیر ٹیچرس فورم کے صدر نے ذرائع ابلاغ کے نمائندوں سے بات کرتے ہوئے کہا: ’’فورم کی جانب سے پہلی مرتبہ بلڈ ڈونیشن کیمپ منعقد کیا گیا جس میں 65پائنٹس خون کا عطیہ جمع کرکے محکمہ صحت کے سپرد کر دیا گیا۔‘‘

انہوں نے مزید کہا کہ ٹیچرز فورم کی جانب سے عنقریب ہی کپوارہ اور ہندوارہ میں عطیہ خون کیمپ کا انعقاد عمل میں لایا جائے گا۔

فورم کے صدر نے مزید کہا کہ اس طرح کے مزید فلاحی کام مستقبل میں جاری رکھے جائیں گے۔