ہندواڑہ حملے کے بعد عسکریت پسند دو رائفل لے کر فرار

پیر کو ہوئے مسلح تصادم میں تین سی آر پی ایف اہلکار اور ایک چودہ سالہ کمسن ہلاک ہو گیا تھا۔

شمالی کشمیر میں ہندواڑہ کے کرالہ گنڈ علاقے میں وانگام کراسنگ پر پیر کے روز سی آر پی ایف ایف پر کیے گئے، حملے کے بعد عسکریت پسندوں نے نیم فوجی دوستے کی دو رائفلز بھی چھین لی تھی۔

ایک سینئر پولیس افسر نے ای ٹی وی بھارت کو بتایا کہ 'عسکریت پسند حملے کے بعد سی آر پی ایف اہلکاروں کی دو رائفلز لیکر فرار ہونے میں کامیاب ہوئے۔

ہنڈواڑہ: حملے کے بعد عسکریت پسند دو رائفل لیکر فرار ہوئے تھے

انہوں نے کہا 'تصادم کے کچھ دیر بعد ہم کو محسوس ہوا کہ ہلاک شدہ اہلکاروں کے پاس سے ہتھیار غائب ہے۔ انہوں نے کہا اس سلسلہ میں تحقیقا جاری ہے۔'

پیر کو ہوئے انکاونٹر میں تین سی آر پی ایف اہلکار اور ایک چودہ سالہ کمسن ہلاک ہو گیا تھا۔

جموں و کشمیر کے ڈی جی پی دلباغ سنگھ نے بتایا کہ نئی عسکری جماعت 'دی ریزسسٹنس فرنٹ' (ٹی آر ایف) لشکر طیبہ کی ہی ایک شاخ ہے۔

واضح رہے اِسی تنظیم نے ہندواڑہ حملے کی ذمہ داری قبول کر لی تھی۔

دراثناء پولیس نے اس سلسلہ میں ایک کیس درج کر کے تحقیقات کا اغاز کر دیا ہے۔