ہندوارہ میں فوج نے کئی کتب خانوں کا افتتاح کیا

کتب خانوں کا افتتاح میونسپل کمیٹی کے چیئرمین ہندوارہ مسرور احمد بانڈے اور سی او 21 آر آر نے کیا۔

خیرسگالی پروگرام کے تحت فوج کی 21 آر آر نے ہندوارہ قصبہ میں کتابوں سے شوق رکھنے والے طلبا و طالبات کے لئے دو جگہوں پر کمونٹی کتب خانوں کا آغاز کیا تاکہ نوجوان ان کتب خانوں میں جا کر مطالعہ کر سکیں۔

ان کتب خانوں کا افتتاح میونسپل کمیٹی کے چیئرمین ہندوارہ مسرور احمد بانڈے اور سی او 21 آر آر نے کیا۔

اس موقع پر مسرور احمد بانڈے نے بتایا کہ فوج کی جانب سے ان کتب خانوں کا انعقاد کرنا ایک خوش آئند قدم ہے۔ انہوں نے فوج کی اس کاوش کی ستائش کی۔

بعد ازاں کمانڈر 7 سیکٹر نے ان دونوں کتب خانوں کا دورہ کیا۔

انہوں نے کہا کہ آحمد آباد سے آئی دو خواتین نے ان لائبریوں کو قائم کرنے میں فوج کو تعاون دیا۔

انہوں نے کہا کہ کئی پڑھے لکھے نوجوان منشیات کی طرف مائل ہو رہے ہیں جس سے سماج میں برائیاں پنپتی ہیں لیکن اگر نوجوان اپنی توانائی کتابوں کے مطالعے میں صرف کریں تو سماج میں مثبت اور انقلابی تبدیلی رونما ہوگی۔