آئی جی بی ایس ایف کشمیر نے کپواڑہ میں لائن آف کنٹرول کا دورہ کیا

بی ایس ایف کشمیر فرنٹیئر کے انسپکٹر جنرل (آئی جی) اشوک یادو نے منگل کے روز کپواڑہ میں لائن آف کنٹرول کے فارورڈ علاقوں کا دورہ کیا۔ اس دوران انہوں نے سکیورٹی صورتحال کا جائزہ لیا۔IG BSF Kashmir visits Kupwara

کپواڑہ: بارڈر سیکورٹی فورس (بی ایس ایف) کشمیر فرنٹیئر کے انسپکٹر جنرل (آئی جی) اشوک یادو نے منگل کے روز شمالی کشمیر کے ضلع کپواڑہ میں لائن آف کنٹرول کے فارورڈ علاقوں کا دورہ کیا۔اس دوران انہوں نے تمام رینکس کے افسران کے ساتھ بات چیت کی اور ان کی پیشہ ورانہ مہارت اور لگن کی سراہنا کی۔

بی ایس ایف کشمیر نے منگل کے روز سماجی رابطہ گاہ 'ایکس' پر ایک پوسٹ کے ذریعے جانکاری فراہم کرتے ہوئے کہا کہ 'آئی جی بی ایس ایف کشمیر اشوک یادو نے انتہائی موسمی چلینجوں میں یونٹ کی اسٹریٹجک تیاری کو یقینی بنانے کے لئے کپواڑہ میں لائن آف کنٹرول کے فارورڈ علاقوں کا دورہ کیا'۔پوسٹ میں کہا گیا کہ' اس دوران انہوں نے تمام رینکس کے ساتھ بات چیت کی اور ان کی پیشہ ورانہ مہارت اور لگن کی سراہنا کی'۔
مزید پڑھیں:

واضح رہے کہ حال ہی میں فوج کی 28 انفنٹری ڈویژن کے جی او سی گریش کالیہ نے کہا کہ لائن آف کنٹرول پر امسال دراندازی کی آٹھ کوششوں کے دوران 27 دراندازوں کو مارا گیا ہے اور ان کے قبضے سے بڑی مقدار میں اسلحہ وگولہ بارود اور منشیات برآمد کیا گیا ۔