میڈیکل کالج کی منظوری، ہندوارہ میں جشن

میڈیکل کونسل آف انڈیا کی جانب سے جہاں ملک بھر میں 82 نئے میڈیکل کالجوں کے قیام کو منظوری دی گئی وہیں ان کالجوں میں ریاست جموں کشمیر کے ضلع ادھمپور اور شمالی کشمیر کے سب ضلع ہندوارہ میں دو الگ الگ میڈیکل کالجوں کا قیام بھی شامل ہے۔

میڈیکل کالج کی منظوری کی خبر کے بعد ہندوارہ میں جشن کا ماحول ہے۔ لوگوں نے خوشی کا اظہار کرتے ہوئے سڑکوں پر رقص کیا اور پٹاخے بھی سر کیے۔

تاہم میڈیکل کالج کی منطوری کے بعد مختلف سیاسی جماعتوں نے الگ الگ بیانات جاری کرتے ہوئے کالج کے قیام کو اپنے خاطے میں ڈال رہے ہیں۔

نیشنل کانفرنس اور پیپلز کانفرنس کے لیڈران و کارکنان نے ریلیوں کا بھی اہتمام کیا۔

ہندارہ میں میڈیکل کالج کے قیام کی منظوری کے بعد عوام الناس میں کافی خوشی دیکھنے کو مل رہی ہے، تاہم زمینی سطح پر کالج کی تعمیر اور اس میں طلباء کی تعلیم کا انتظام کب تک مکمل کیا جائے گا یہ آنے والا وقت ہی بتائے گا۔