گذشتہ رات تقریبا 9:30 بجے ہندواڑہ کی سبزی منڈی میں آگ لگ گئی، آگ نے دیکھتے ہی دیکھتے پوری سبزی منڈی کو اپنے زد میں لے لیا۔ دور سے آگ کے شعلے نظر آرہے تھے۔ ہر طرف چیخ و پکار کا سماں تھا۔ آگ کی ہولناک ورات میں 42 سبزی اسٹالز راکھ کے ڈھیر میں تبدیل ہوگئے۔
ایک سرکاری عہدیدار نے بتایا کہ 'آگ بجھانے کے لیے فائر ٹینڈر موقع پر پہنچ گئے ہیں۔ دریں اثنا ہندواڑہ پولیس، فوج کے 21 آر آر اور سیول انتظامیہ کے اہلکاروں نے مشترکہ طور پر آگ بجھانے میں مدد کی۔ تاہم اب تک آگ لگنے کی وجوہات معلوم نہ ہوسکی ہے۔
پولیس معاملے کی تفتیش میں لگی ہوئی ہے ادھر اے ڈی سی ہندواڑہ نذیر احمد، نائب تحصیلدار ہندوارہ بشیر احمد اور ایس پی ہندوارہ سندیپ گپتا، ٹریڈریس فیڈریشن صدر اعجاز صوفی نے موقع وردات کا جائزہ لیا، ساتھ ہی متاثرہ سے ہمدردی کا اظہار کیا۔
