'گپکار اتحاد پر الزام لگانے والوں کو جواب دینا ہوگا'

مرکز کے زیر انتظام جموں و کشمیر کے ضلع کپواڑہ میں گپکار اتحاد کے ترجمان نے کہا کہ جو لوگ گپکار اتحاد پر الزام لگا رہے ہیں انھیں صفائی دینی ہوگی۔

گپکار اتحاد کے ترجمان اور پیپلز کانفرنس کے چیئرمین سجاد غنی لون نے جمعرات کو کہا کہ ڈی ڈی سی پولنگ ختم ہونے کے بعد پی اے جی ڈی پر الزام لگانے والوں کو جواب دینا ہوگا۔

ان باتوں کا اظہار سجادغنی لون نے شمالی کشمیر قصبہ ہندواڑہ کے زچلڈارہ میں ایک انتخابی ریلی سے خطاب کرتے ہوئے کہا۔

لون نے پی اے جی ڈی پر الزامات لگانے والوں پر شدید تنقید کرتے ہوئے کہا ان لوگوں کو پی اے جی ڈی کا جواب دینا ہوگا۔

انھوں نے کہا کہ میں گپکار اتحاد کے لیے اپنی جان دینے کو قربان ہوں۔ یہ جموں و کشمیر کے عوام کے وقار اور عزت کے تحفظ کے لئے تشکیل دیا گیا ہے۔

انہوں نےکہا گپکار اتحاد کا اگر خطرہ ہے وہ ان چوروں کی وجہ سے ہوگا جو ہمارے پیچھے خلاف ورزیاں کررہے ہیں اور وقت آنے پر ہم ان سے سوال پوچھے گے۔

انھوں نے کہا کہ یہاں کے سیاسی رہنماؤں نے یہ فیصلہ اس وقت لیا ہے جب انھیں مرغوں کی طرح پکڑ کر نظر بند کیا گیا، جیل بیجھا گیا۔

اس لئے ساری سیاسی پارٹیوں نے ایک ہو کر ایک ہی پیلٹ فارم پر آگئے اور ایک فصیلہ لیا کہ ایک ہی پارٹی بنائی، جس کا نام گپکار اتحاد رکھا گیا ہے۔