ہندواڑہ سبزی منڈی میں آتشزدگی، ایک درجن سے زائد دکانیں خاکستر

ہندواڑہ میں واقع سبزی مارکیٹ میں خوفناک آتشزدگی پیش آئی۔ جس کے نتیجے میں آس پاس کی دکانیں خاکستر ہوگئی۔ اس آتشزدگی میں ایک بلڈنگ کو بھی نقصان پہنچا ہے۔ وہیں فائربریگیڈ کی ٹیم کو آگ پر قابو پانے کے لیے کافی مشکلات پیش آئی۔

شمالی کشمیر کے سب ضلع ہندواڑہ میں واقع سبزی منڈی میں اتوار کی رات قریب ساڑھے نو بجے آتشزدگی کا ایکواقعہ پیش آیا،جس کے نتیجے میں ایک درجن سے زائد سبزی چھاپڑی خاکستر ہوگئی۔

عینی شاہدین کا کہنا ہے کہ اتوار کی شام قریب ساڑھے نو بجے سبزی مارکیٹ میں آتشزدگی کا ایکواقعہ پیش آیا، جس کے زد میں ایک درجن سے زائد سبزی چھاپڑی خاکستر ہوگئی۔

اس واقعہ کی تصدیق کرنے والے سرکاری عہدیدار نے بتایا کہ آگ بجھانے کے لئے فائر ٹینڈر موقع پر پہنچی۔

دریں اثناء ہندواڑہ پولیس اور فوج کے 21 آر آر اور سیول انتظامیہ کے اہلکاروں نے مشترکہ طور پر آگ بجھانے میں کافی مشقت کی۔

تاہم آگ کیسے لگی یہ واضح نہیں ہو سکا، وہیں پولیس اس معاملے کی تفتیش کر رہی ہے۔