کپواڑہ:شمالی کشمیر کے کپواڑہ ضلع کے سد پورہ ٹنگڈار علاقے میں بدھ کو سیکورٹی فورسز نے دراندازی کی کوشش کو ناکام بناتے ہوئے ایک غیر ملکی عسکریت پسند کو ہلاک کرنے کا دعویٰ کیا۔ سکیورٹی فورسز نے جائے وقوع سے اسلحہ اور گولہ بارود بھی برآمد کیا۔ Encounter in Kupwara
کشمیر پولیس زون کے مطابق کپواڑہ میں ایل او سی کے قریب سدپورہ میں ایک غیر ملکی عسکریت پسند مارا گیا۔ اس کے قبضے سے اسلحہ اور گولہ بارود سمیت مجرمانہ مواد برآمد ہوا ہے۔ علاقے میں تلاشی مہم جاری ہے۔
دفاعی ذرائع نے بتایا کہ درمیانی شب ڈھائی بجے کے قریب سدپورہ ٹنگڈار سیکٹر میں عسکریت پسندوں کے ایک گروپ نے اس طرف آنے کی کوشش کی جس دوران شدید گولیوں کا تبادلہ شروع ہوا۔ اُن کے مطابق ابتدائی فائرنگ میں ایک غیر ملکی عسکریت پسند ہلاک ہوا۔ دفاعی ذرائع نے مزید بتایا کہ علاقے میں دو سے تین عسکریت پسند موجود ہوسکتے ہیں جس کے پیش نظر سرچ آپریشن جاری ہے۔