ڈاکٹر کی معطلی کے خلاف احتجاج

ریاست جموں و کشمیر کے ضلع کپواڑہ کے سب ضلع اسپتال میں انکوائری مکمل ہونے سے پہلے ہی ایک ڈاکٹر کو معطل کرنے پر ڈاکٹرز نے احتجاج کیا۔

تفصیلات کے مطابق گزشتہ چند روز پہلے کلاروس کپوارہ میں ایک دردزہ میں مبتلا ایک خاتون کو کلاروس اسپتال سے ایمولبنس گاڑی وقت پر نہ دینے پر مذکورہ مریضہ نے گاڑی میں ہی بچے کو جنم دیا اور بچے کی موت ہوئی۔

احتجاجی ڈاکٹر

جس پر مریضہ کے رشتہ داروں نے زوردار احتجاج کرتے ہوئے کلاروس اسپتال عملے کے خلاف کاروائی کرنے کا مطالبہ کیا جس کے بعد سی ایم او کپوارہ نے ایک انکوائری ٹیم طلب کی جو زیر کاروائی تھی اور آج دروان کاروائی ڈپٹی کمشنر کپوارہ انشل گرگ نے فوری فیصلہ لیکر مذکورہ ڈاکٹر کو نوکری سے بے دخل کیا۔

یہ آرڈر سامنے آنے کے بعد سب ضلع اسپتال کے مقیم ڈاکٹروں نے اس آرڈر کے خلاف احتجاج کیا اور اس کو واپس لینے کا مطالبہ کیا۔

ڈاکٹروں کا کہنا ہے کہ اس معاملے میں مذکورہ ڈاکٹر ملوث نہیں ہے اور اس کو سیاسی بل بوتے پر اکسایا جارہا ہے انہوں نے کہا اگر ابھی انکوائری جاری ہی تھی تو ڈی سی صاحب نے کیوں فوری قدم اٹھا کر بلال نامی ڈاکٹر کو معطل کیا۔

ادھر کلاروس سے آئے ایک وفد نے کہا کہ مذکورہ ڈاکٹر کا کوئی قصور نہیں ہے اس رات مذکورہ ڈاکٹر نے 6 ڈیلوری کرائی ہے۔