کپواڑہ: بی ایس ایف اہلکار نے خود کو گولی ماری

ہلاک شدہ سپاہی کی شناخت 118 بٹالین کے ہیڈ کانسٹیبل بھندر سنگھ کے بطور ہوئی ہے۔

شمالی کشمیر کے ضلع کپواڑہ میں بدھ کی صبح بارڈر سیکیورٹی فورسز کے ایک جوان نے خود کو گولی مار کر زندگی کا خاتمہ کرلیا۔

سپاہی کی شناخت 118 بٹالین کے ہیڈ کانسٹیبل بھندر سنگھ کے طور پر ہوئی ہے۔ جب وہ ضلع کے علاقے ٹنگدار میں ڈیوٹی پر مامور تھے کہ اسی دوران انہوں نے اپنی سروس رائفل سے خود کو گولی مارلی۔ ان کے انتہائی اقدام اٹھانے کی وجہ ابھی تک معلوم نہیں ہوسکی ہے۔

ادھر ایک پولیس اہلکار نے واقعے کی تصدیق کرتے ہوئے بتایا کہ اس سلسلے میں ایک مقدمہ درج کرلیا گیا ہے اور مزید تفتیش شروع کردی گئی ہے۔