فوج نے 'گلستان بنات یتیم خانہ' میں کھانے کی اشیا تقسیم کی

فوج نے منگل کے روز شمالی کشمیر کے ہندوارہ میں واقع 'گلستان بنات یتیم خانہ' میں کھانے کی اشیا تقسیم کی۔

ان تقسیم کی جانے والی اشیا میں چاول کی دو بوریاں، آٹے کی دو بوریاں، تیل ایک ٹین، گھی 10کلو، چینی ایک بوری نمک ایک پیکٹ چائے کی پتی و متعدد اشیا شامل ہیں۔

اس موقع پر گلستان بنات یتیم خانہ کے چیئرمین و دیگر کئی مقامی افراد موجود تھے۔ چیئرمین نے اس مشکل وقت میں مدد کرنے پر فوج کا شکریہ ادا کیا اور کہا کہ 'پوری دنیا اس وقت وبائی مرض میں مبتلا ہے۔'

آپ کو بتادیں کہ آرمی یونٹ نے اس سے قبل بھی متعدد ضرورت مند لوگوں میں اشیا خورد و نوش بھی تقسیم کیا ہے۔

آرمی افسر نے لوگوں سے اپیل کی کہ 'وہ اپنے آپ کو اس وائرس سے بچانے کے لئے گھر کے اندر ہی رہیں اور ایس او پیز اور صحت سے متعلق ہدایات پر سختی سے عمل کریں۔'