کپوارہ (جموں کشمیر) :ـ بائز ہائر سکنڈری اسکول ہندوارہ کے آڈیٹویم میں ’’جوئے ادب کاج ناگ، ہندوارہ‘‘ اور ’’ادبی مرکز کمراز‘‘ کے اشتراک سے ادبی تقریب کا انعقاد کیاگیا جس میں ہانگاہ، ماور کی ایک سولہ سالہ طالبہ اقرا حبیب کی ناول ’’عسر یسرا‘‘ کی رسم رونمائی انجام دی گئی۔ تقریب کا آغاز تلاوت کلام سے کیا گیا جس کے بعد نعتیہ کلام پیش کیا گیا بعد ازاں خطبہ استقبالہ جوئے ادب کے صدر مقبول فائق نے پیش کیا۔
نائب صدر، کلچرل ٹرسٹ کپوارہ و جوئے ادب کاج ناگ ہندوارہ - ارشد محی الدین - اور اور عاشق حسین زاہد نے ناول پر تبصرہ کرتے ہوئے اسے نئی نسل کے لیے ایک تحریک قابل تقلید کارنامہ قرار دیا۔ تقریب میں شمالی کشمیر کے مختلف علاقوں سے آئے ادبیوں، شعراء اور قلمکاروں سمیت سماج سے وابستہ مختلف طبقہ ہائے فکر سے وابستہ افراد نے شرکت کی۔ ہائی اسکول ہانگاہ کے اساتذہ، جہاں اقرا زیر تعلیم ہے، کے اساتذہ سمیت غیر تدریسی عملہ نے بھی شرکت کے اقرا کا حوصلہ بڑھایا۔