غلطی سے ایل او سی پار کرنے والا پاکستانی نوجوان واپس وطن روانہ

شمالی کشمیر کے ضلع کپواڑہ کے کرناہ علاقے میں بدھ کو پاکستانی زیر انتظام کشمیر سے غلطی سے کنٹرول لائن کے اس پار آنے والے نوجوان کو واپس پاکستان روانہ کیا گیا۔

ذرائع کے مطابق ضلع کپواڑہ میں سرحدی علاقہ کرناہ کے سدھ پورہ علاقے میں پیر کے روز پاکستان سے تعلق رکھنے والے ایک 13 سالہ لڑکے نے غلطی سے کنٹرول لائن (ایل او سی) عبور کر کے اِس پار آگیا۔

کنٹرل لائن پار کرنے والے نوجوان کی شناخت محسن منظور ولد منظور احمد کے طور پر ہوئی ہے جو پاکستان کے شہر کراسڑ، امر سنگھ ٹیکری کا رہنے والا ہے۔

غلطی سے کنٹرول لائن کے اس پار آنے والے نوجوان کو بھارتی فوج نے اپنی تحویل میں لیکر پاکستانی فوج کو مطلع کر دیا تھا۔

محسن منظور کو بدھ کو کرناہ کے ٹیٹوال کراسنگ پوائنٹ پر پاکستانی رینجرز کے حوالے کر دیا۔

ذرائع کے مطابق فوجی اہلکاروں نے محسن کی اچھی خاطر مدارت کی اور تحفے و تحائف کے ساتھ واپس وطن بھیج دیا۔