مرکز کے زیر انتظام خطہ جموں و کشمیر کے پومبے ڈی ایچ پورہ میں عسکریت پسندوں کے حملہ میں ہلاک ہونے والے کانسٹیبل نثار احمد واگے کو ڈسٹرکٹ پولیس لائنز کولگام میں گلہائے عقیدت پیش کیا گیا۔
سینئر پولیس افسران بشمول ڈی آئی جی ایس کے آر شری عبدالجبار آئی پی ایس، ایس پی کولگام اور ڈسٹرکٹ پولیس کولگام کے علاوہ دیگر افسران نے کانسٹیبل نثار احمد کے جسد خاکی پر گلپوشی کی اور ڈیوٹی کے تئیں دی گئی ان کی اس قربانی پر خراج عقیدت پیش کیا۔