ضلع ترقیاتی کمشنر کولگام نے پیر کو سپوٹس اسٹیڈیم کولگام میں خواتین کے لئے ٹی 20 اوپن کرکٹ ٹورنامنٹ کا افتتاح کیا۔ پروگرام کا اہتمام ضلع انتظامیہ نے محکمہ یوتھ سروسز اینڈ اسپورٹس کولگام کے اشتراک سے کیا ہے۔
ٹورنامنٹ میں کل آٹھ ٹیمیں حصہ لے رہی ہیں۔
افتتاحی تقریب کے دوران ضلع ترقیاتی کمشنر نے خطاب کرتے ہوئے نوجوانوں کو پڑھائی کے ساتھ ساتھ کھیل کود کی سرگرمیوں میں بھی حصہ لینے پر زور دیا۔
انہوں نے کہا کہ ’’کھیل کود کی سرگرمیوں سے نوجوان جسمانی و ذہنی طور تندرست رہتے ہیں۔ انکی معاشرتی اور ذہنی نشوونما پر نمایاں اور مثبت اثرات مرتب ہوتے ہیں۔‘‘
افتتاحی تقریب میں ضلع انتظامیہ اور محکمہ تعلیم کے اعلیٰ افسران بھی موجود تھے۔
