سینکڑوں طلبا ایک ہی کمرے میں پڑھنے پر مجبور

ریاست جموں و کشمیر کے سب ضلع دمحال ہانجی پورہ کے نندی مرگ علاقے میں گورنمنٹ مڈل اسکول جوگی مرگ اور پرائمری اسکول حجام پورہ میں زیر تعلیم تقریباً 200 طلبا ایک ہی جگہ اور ایک ہی اسکول کی عمارت میں تعلیم حاصل کر رہے ہیں۔

ان اسکولی بچوں کو انتہائی خستہ حال عمارت میں اپنا تعلیمی سفر جاری رکھنے پر مجبور ہونا پڑ رہا ہے۔

ان دونوں سرکاری اسکولوں میں تعلیم کا مناسب انتظام نہ ہونے کے سبب تقریباً 200 طلبا کا مستقبل تاریک نظر آرہا ہے۔

یہ بوسیدہ عمارت کبھی بھی منہدم ہوسکتی ہے اور اس کا مطلب یہ ہے کہ تعلیم ہی نہیں بلکہ ان طلبا کی زندگی بھی خطرے میں ہے۔

حکومت نے چند برس پہلے اسکول کے لیے تین کمروں پر مشتمل عمارت بنائی تھی۔ اس کا ایک کمرہ کمپیوٹر لیب اور دوسرا آفس کے لیے استعمال ہوتا ہے، جبکہ بچوں کی تعلیم و تدریس کے لیے صرف ایک کمرہ ہی ہے۔

جگہ کی کمی کے سبب بعض بچے گھر واپس لوٹ جاتے ہیں۔

بچے ملک کا مستقل ہوتے ہیں اور اگر تعلیمی نظام اس قدر خراب ہوگا تو ہمارا مستقبل بھی تاریک ہوگا۔ تعلیم کے لیے بہتر عمارت اور اساتذہ بنیادی حیثیت رکھتے ہیں۔