قاضی گنڈ: سڑک حادثے میں تین سی آر پی ایف اہلکار سمیت چار زخمی

کولگام میں سی آر پی ایف کی ایک گاڑی اور تیل کے ایک ٹینکر کے درمیان ٹکر ہونے سے تین سی آر پی ایف اہلکار اور ٹینکر کا ڈرائیور زخمی ہوگئے

جنوبی کشمیر کے ضلع کولگام کے قاضی گنڈ علاقے میں منگل کی صبح سینٹر ریزرو پولیس فورس(سی آر پی ایف) کی ایک گاڑی اور تیل کے ایک ٹینکر کے درمیان ٹکر ہونے سے تین سی آر پی ایف اہلکار اور ٹینکر کا ڈرائیور زخمی ہوگئے۔

سرکاری ذرائع نے تفصیلات فراہم کرتے ہوئے کہا کہ قاضی گنڈ کے بونہ گام علاقے میں منگل کی صبح سی آر پی ایف کی 46 بٹالین کی ایک کیسپر گاڑی اور ایک تیل ٹینکر زیر نمبرJK02AR- 5528 کے درمیان ٹکر ہوئی جس کے نتیجے میں سی آر پی ایف کے تین اہلکار اور ٹینکر کا ڈرائیور زخمی ہوگئے۔

انہوں نے بتایا کہ زخمیوں کو علاج ومعالجے کے لئے فوری طور نزدیکی ہسپتال منتقل کیا گیا جہاں ان سب کی حالت مستحکم بتائی جا رہی ہے۔

ان کا مزید کہنا تھا کہ تیل ٹینکر جموں سے سری نگر آ رہا تھا۔