سڑک کی خستہ حالی سے راہگیر پریشان

سب ضلع دمحال ہانجی پورہ کونثربل تا کھل احمدآباد سڑک کی خستہ حالی کی وجہ سے ہزاروں لوگ مشکلات سے دوچار ہیں۔

کونثربل سے قصبہ کھل تک 6 کلومیٹر سڑک کی ناگفتہ بہ حالت سے آدھا درجن گاؤں کے افراد مشکلات کا سامنا کر رہے ہیں۔

مقامی لوگوں نے کہا کہ اگر چہ ہم نے متعلقہ محکمہ کو اس بارے میں آگاہ بھی کیا ہے لیکن وہ لوگ ٹس سے مس نہیں ہوئے، اب ہم لوگ موجودہ انتظامیہ سے پر امید ہیں کہ وہ ہماری اس سڑک کے گڈھوں کی بازیابی کریں تاکہ ہم لوگ باآسانی سفر کر سکیں۔