جن ابھیان کا تیسرہ مرحلہ شروع

ضلع ترقیاتی کمشنر کولگام شوکت اعجاز بٹ نے انتظامیہ کی رسائی لوگوں تک ممکن بنانے اور انتظامیہ کو ان کے در تک لانے پر زور دیا۔

جن ابھیان کے تحت آج ضلع کولگام کے بیشتر بلاک میں بلاک دیوس منایا گیا، اس دوران ضلع ترقیاتی کمشنر کولگام شوکت اعجاز بٹ نے لوگوں سے خطاب کرتے ہوئے اس ابھیان سے روشناس کرایا۔

ڈی سی نے انتظامیہ کی رسائی لوگوں تک ممکن بنانے اور انتظامیہ کو ان کے در تک لانے پر زور دیا۔ اس سلسلے میں انہوں نے آج بلاک پمبئ میں ڈومیسائل اسناد کا اجرا کیا اور دیگر کاغزات میں لوگوں کی نمائندگی کی۔

انہوں نے بیک ٹو ولیج پروگرام کے انتظامات کا بھی جائزہ لیا اور لوگوں کے مسائل سنے اور انہیں حل کرنے کا بھروسہ دلایا۔

اس موقع پر اے سی آر میر امتیاز العزیز، اے سی ڈی محمد عمران خان سمیت محکمہ دیہی ترقی کے آفیسران، ملازمین اور مقامی لوگ موجود تھے۔