کولگام میں آتشزدگی، 6 مکانات خاکستر

جنوبی ضلع کولگام کے نور باغ چمر علاقے علاقے میں آتشزدگی کا ایک واقعہ پیش آیا جس میں 6 مکان اور ایک گاؤ شالہ خاکستر ہوگئے۔

مقامی لوگوں نے بتایا کہ جمعرات اور جمعہ کی درمیانی شب چمر علاقے میں ایک مکان میں آگ لگی جس نے مزید 5 گھروں کو اپنی لپیٹ میں لیا۔

ذرائع نے فائر اینڈ ایمرجنسی کے اہلکار جائے واردات پر پہنچ گئے اور مقامی لوگوں کے تعاون سے آگ پر قابو پالیا، تاہم اس بھیانک واردات میں 6 رہائشی مکانات اور ایک گاؤ شالہ خاکستر ہوگئے۔

برف باری کی وجہ سے آگ بجانے میں بہت دشواریاں پیش آئی۔

ذرائع نے بتایا کہ آگ لگنے کی وجہ ابھی تک معلوم نہ ہوسکی۔ پولیس نے تحقیقات شروع کر دی ہے۔

وہیں ضلع ترقیاتی کشمنر کولگام شوکت ایجاز بٹ نے کہا کہ متاثرین کو جلد از جلد امدادی مدد کی جائے گی، انہوں نے ایس ڈی ایم اور تحصیلدار کو ہدایت دی کہ وہ نقصانات کا جلد از جلد تخمنہ لگائے۔