کولگام: ووٹنگ کے دوران ٹرانسپوٹ، دُکانیں و کاروباری ادارے بند رہے

ڈی ڈی سی انتخابات کے چوتھے مرحلے کے تحت آج جموں و کشمیر کے مختلف اضلاع میں ووٹنگ پر امن طریقے سے مکمل ہوئی، اس دوران ٹرانسپورٹ و دیگر کاروباری سرگرمیاں ٹھپ رہیں۔

جنوبی کشمیر کے ضلع کولگام میں ڈی ڈی سی انتخابات کے چوتھے مرحلے کے تحت ہوئے ووٹنگ کے پیش نظر سبھی کاروباری ادارے بند رہے سڑکوں پر ٹریفک کی نقل و حمل بھی نہیں رہی۔ ووٹنگ کے دوران سڑکوں پر گرچہ کچھ نجی گاڑیاں نظر آرہی تھیں تاہم ٹرانسپوٹ کے ساتھ ساتھ دُکانیں و کاروباری ادارے مکمل طور پر بند رہے۔صبح ساتھ بجے سے ہی رائے دہندگان پولنگ مراکز کا رُخ کرنے لگے تھے۔

واضح رہے کہ کشمیر میں اگرچہ حریت کانفرس کی جانب سے ایسے وقت پر کال دی جاتی تھی تاہم اس بار انتخابات کے دوران کسی بھی مذہبی رہمناؤں یا دیگر کسی جماعت نے بند رکھنے کی کال نہں دی ایسے میں پھر بھی انتخابات کے دوران کولگام میں مکمل بند رہا۔ واضح رہے کہ ضلع میں ڈی ڈی سی انتخابات میں 8.63 اور بلدیاتی 30.18 فیصد ووٹنگ ہوئی۔

آپ کو بتادیں کہ دفعہ 370 کی منسوخی کے بعد جموں و کشمیر میں پہلی بار ڈی ڈی سی انتخابات کرائے جارہے ہیں، یہ انتخابات 8 مرحلوں میں ہونے ہیں اب تک 4 مرحلے کی ووٹنگ پر امن طریقے سے مکمل ہوچکی ہے۔ 22 دسمبر کو کاؤنٹنگ ہوگی۔