کولگام: اسکولی بچوں نے صفائی مہم کا آغاز کیا

اسکول انتظامیہ کا کہنا ہے کہ صفائی مہم کا مقصد عوام خاص کر طلبہ کو صفائی کے حوالے سے بیدار کرنا ہے۔

اپنی مدد آپ کے جذبے سے سرشار جنوبی کشمیر کے ضلع کولگام میں ایک نجی اسکول کی جانب سے صفائی مہم کا آغاز کیا گیا۔

اسکول انتظامیہ کی جانب سے ایک مقامی نالے کے گرد جمع کوڑا کرکٹ کو صاف کیا گیا۔

اسکول انتظامیہ کے مطابق صفائی مہم کو مستقبل میں بھی جاری رکھا جائے گا۔

ذرائع ابلاغ کے نمائندوں سے بات کرتے ہوئے انہوں نے کہا کہ آس پاس کے ماحول کو صاف ستھرا رکھنا ہر ایک شہری کی ذمہ داری ہے۔

انہوں نے کہا کہ صفائی مہم کا مقصد عوام خاص کر طلبہ کو صفائی ستھرائی کے حوالے سے بیدار کرنا ہے۔