کولگام میں اے ٹی ایم کو لوٹنے کی کوشش

جنوبی کشمیر کے ضلع کولگام میں دورانِ شب نقب زنوں نے اے ٹی ایم کی توڑ پھوڑ کرکے مشین سے نقدی لوٹنے کی کوشش کی۔

ضلع کولگام کے چوگام، قاضی گنڈ میں قائم اسٹیٹ بینک آف انڈیا کے ای ٹی ایم کو نقب زنوں نے دوران شب توڑ پھوڑ کرکے اس سے نقدی چرانے کی کوشش کی۔

مقامی باشندوں نے بتایا کہ اے ٹی ایم پر کوئی بھی سیکورٹی گارڈ تعینات نہ ہونے کے سبب ایسا واقعہ پیش آیا ہے۔ انہوں نے دعویٰ کیا کہ اس سے قبل بھی علاقے میں اے ٹی ایم کو لوٹنے کی وارداتیں رونما ہوچکی ہیں۔ پولیس نے اس ضمن میں ایف آئی آر درج کرکے تحقیقات شروع کردی ہے۔

پولیس ذرائع کے مطابق مشین کی توڑ پھوڑ انجام دی گئی ہے، تاہم نقب زن مشین سے نقدی لوٹنے میں کامیاب ہوئے ہیں یا نہیں اس کا پتہ لگایا جارہا ہے۔